Dictionnaire de psychanalyse

Troziadezh revel ma’z eo ar boziañ a-zalc’h ouzh ar gouzañvder pe ar mezhekadur a skoer gant an amgen.

Ar bredelfennerezh a astenn keal ar sadegezh en tu all d’an droziadezh deskrivet gant ar revoniezh, dre lakaat a-wel furmoù eginek, bugelvezhel pergen, anezhi, hag o sellout outi evel ur gedrann-diazez eus al luzadurezh.

Ar sadegezh ent strizh a c’hoarvez eus kenstroll ar revelezh hag ar feulster ouzh an amgen. En ur c’hemeradur laoskoc’h ez eur techet hiziv da envel sadegezh holl erzerc’hadurioù ar feulster ken ma teu an termen da vezañ kenster gant argadusted.