Dictionnaire de psychanalyse

Oberiezh ma toug dezhi al luzad, o tisoc’hañ gant koazhadur an tennder diabarzh ; eriunelloù a ro dezhi harp ha durc’hadur.

Etre peder elfenn e tezrannas Freud al luzad : e vount, e andon, e bal, e ergerc’henn. An andon zo peurliesañ un tachad erogen, hag ar pal eo tizhout ar bliz organ (Organlust) ennañ ; da skouer, pal al luzad genaouel eo ar gwalc’hadur diraezet gant an oberiezh-sunañ. Ar pal eo a ro da anaout an andon pe, gant gerioù all, mard eo an andon poell-bezañ ar pal, ez eo ar pal poell-anaout an andon.

Freud a lak kemm ivez etre “pal disoc’hel” (Endziel), spesadek evit pep luzad, ha “palioù treugel” keneskemmus.