Dictionnaire de psychanalyse

Anaez deskrivet gant ar mezeg amerikan George Beard (1839-1883), dezhañ un daolenn glinikel kreizet war un asikted korf a orin “nervel”. Freud, daoust ma tamalle ar reastenn kemeret gant an azoniad-se diwar-goust unvezioù klinikel all, a zalc’has evelkent an neurasteniezh e-touez an neurozioù. Da zezverkoù dezhi e lakae ar santad skuizhnez korf, ar boan-benn, ar bregoazh, ar goustivadur, ar c’hammeraezioù, skorted an oberiezh revel. He renkañ a rae e stern an neurozioù bremanek, e-kichen an neuroz enkrez, ha klask a rae an arbennoù anezhi en un arc’hwelerezh revel dic’houest da zistav azas an tennder libidinel (ar boloiñ da skouer).