Erregañ ur skor alvezel diwar-bouez un hordenn gatodek : c'hwilerviñ ur maez memor, skramm un hewel.

Daou vod c'hwilerviñ a ziforc'her :

- ar c'hwilerviñ anneuenn , mod c'hwilerviñ arveret er pellwel ; evodiñ a ra ar skeudenn diwar daou wezhiadur diaser : ergerzh gorre ar skramm gant an hordenn gatodek, gouluz an kez hordenn gant skogoù anvet arhentoù skeudenn. Emañ an hordenn dindan wered daou warellvaez kenserzh hervez ur savelenn lavaret "e dent heskenn", ha louc'h an hordenn war ar skramm a ampar an anneuenn. Ar skeudenn a c'hoarvez a se eus ur rouedad linennoù kenstur, a vo pep hini eus he foentoù luc'hus pe luc'husoc'h.

- ar c'hwilerviñ roud yevet : yevet eo roud an hordenn, hervez hedennoù ha ledennoù e-barzh ur reizhiad kartezel a zaveennoù kenserzh, hag erregañ a ra ul lun diwar-bouez desezadoù kenheuilh.

Modoù c'hwilerviñ all ez eus, azasaet diouzh rizhoù dibarek arloadoù, da skouer ar c'hwilerviñ a-linenn, ar c'hwilerviñ a-vlein, ar c'hwilerviñ ledvlein arveret en dinoiñ tredanwarellel (radar) pe dredanstenel (sonar).