Dictionnaire de l'informatique

En e gemeradur hollekañ ez eo ar stlenn ur furm en araez da vezañ treuzdouget eus ur skor alvezel d'unan all ha da vezañ kevreet gant furmoù all. Arveret e vez pe war-eeun dre al lavar er gedvuhez, pe dre hantererezh ul lavar riñvekaet pe areg.

1. Stlenn lavarel pekel . E lavar ar gedvuhez, e vez douget ar stlenn gant an arouezioù, ar re-mañ o vezañ elfennadus e kanteulioù hag en arganteulioù. Kanteulioù al lavar zo outo arganteulioù argemmus en amzer dre berzh un diwan anrakweladus a stlenn nevez a-ser ma embreger al lavar. Kelad a reer eus ur c'hel dibarek.

Stlenn aregel pe stlenn riñvekaet , pe c'hoazh stlenn ent strizh e ster ar stlenneg. Kanteulioù ar stlenn aregel zo outo arganteulioù arstalek dre dermenadur, sonnet e-doug an amzer m'o arverer. Ken e c'haller embreger ar stlenn (aregel) hep lakaat an arganteulioù e penn kont, dre blediñ hepken gant perzhioù alvezel ar skor a ya d'ober ar c'hanteulioù. A se ez eo kevatal an arouez aregel d'un arhent, ha keweriadus gant un ijinenn. Stlennad a reer eus ur stlenn (aregel) dibarek.

Keladoù ha stlennadoù a reer anezho roadennoù .

Meur a zegouezh zo evit an tremen etre keladoù ha stlennadoù :

- pe ar roadennoù derou zo keladoù a droer e stlennadoù ; ar re-mañ, ur wech keweriet gant an urzhiataer, a vez troet e keladoù en-dro ;

- pe heptreuget e vez al lankad kentañ : ar roadennoù kentañ zo stlennadoù gorreet war-eeun eus an alvez gant an ijinenn ;

- pe heptreuget e vez al lankad diwezhañ : sturiet e vez emgefreek an ijinenn dre hent ar stlennadoù da werediñ war an alvez hep emell mab-den ;

- pe heptreuget e vez al lankadoù kentañ ha diwezhañ (tro ar robotoù, da skouer).

Daou zoare all zo da zezrannañ ar stlenn :

~ hervez e denor (e ster , e endalc'had steradurel ) ;

~ hervez e luniad (e gevreadur ).