Dictionnaire de l'informatique

1. Trevnad korrc'houlevioù, arbennikaet diouzh ezhommoù an arveriad, boniet e-barzh ur vemor anraskladus en unvez kreiz, e amkan reoliñ an arc'hwelioù a dalvez da erounit ditouroù ar goulev.

2. Bodad ar c'halvezderioù korrc'houleviñ. Loet emañ ar c'horrc'houleveg etre ar gouleveg hag ar funieg.

Dre amsteriañ e voe goveliet an amerikaneg firmware : a) oc'h intent ar c'horrgouleveg evel lodenn eus ar meziant sonnet er periant, eleze hanter hent etre meziant ha periant, e voe kemeret an adanv firm , hanter hent dre e ster etre soft ha hard ; b) war un dro edo kennotet e vez ar c'horrc'houleveg piaou d'an arveriad, eleze d'an embregerezh (firm pa.).

Ar galleg, tra ma terme betek neuze etre software ha programmerie hag etre firmware ha programme particulier, programmerie particulière , a erlec'hias e 1974 logiciel ouzh an daouad kentañ, nemet e talc'h d'ober gant firmware e-kichen ar c'hoveliadenn nevez microprogrammé.

Skouer a venn kemer ar brezhoneg diwar an amerikaneg o sevel an hiron meriant dre groaziañ meziant ha periant.