Dictionnaire de psychanalyse
Règle fondamentale. ◊ Grundregel. ◊ fundamental rule. ◊ bonreolenn.
Reolenn o reiñ he luniadur d’ar blegenn vredelfennadel : pedet eo an elfennadour da lavarout kement a soñj hag a sant hep dibab na tevel tra eus ar pezh a zeu war e spered, zoken mar hañval dezhañ bezañ displijus da eztaoliñ, lu, dizeur pe dibropoz.
Un niver heuliadoù zo d’ar vonreolenn :
1° Ar gouzrec’h a rank lavarout pep tra, ha lavarout hepken. E-barzh al lavar e vez naoziet e esmaeoù, e louc’hadoù korf, e vennozioù, e eñvoradoù. Plegañ d’ar reolenn a lak enta ur vaezienn oberiezh eus ar gouzrec’h da zont war wel dre zarwezhiañ.
2° A-wel e teu ivez an doare ma tever ar strollatadurioù hag ar c’hlomboentoù ma kroaziont.
3° Evel ma vez notet alies, ar reolenn a ro an tu da ziskoachañ an diaesterioù en deus ar gouzrec’h ouzh he heuliañ : ardavioù emouiziek, harzderioù diemouez ouzh ar reolenn (ha drezi, o klask prouiñ da skouer dre ober ent reizhiadek gant an orogell ez eo-hi diarveradus pe amoet).