Dictionnaire de psychanalyse
Névrose narcissique. ◊ narzisstische Neurose. ◊ narcissistic neurosis. ◊ neuroz narkisek.
Dre an termen-mañ ez aroueze Freud ur c’hleñved dezverket gant didenn al libido davit ar me, — e kemm enta ouzh an neurozioù treuzdoug.
E-keñver nozografiezh, ez eo keverdal an neurozioù narkisek da deskad ar psikozioù arc’hwelel (eleze ar re nad eo ket devoudet o azonoù gant un anaf kreud). Seurt psikozioù a rae ivez Freud anezho parafreniezhoù. Diwezhatoc’h e strishaas arver an termen neuroz narkisek d’ar velankoliezh, ouzh he diforc’hañ neuze diouzh an neurozioù treuzdoug koulz ha diouzh ar psikozioù.
Dilezet eo hiziv arver an termen neuroz narkisek, hag ivez kemeradur freudek ar barafreniezh.