Geriadur ar stlenneg

Bodad an hentennoù ret da zewerzhañ digonadur ar reizhiadoù stlennegel. Ne c'haller amañ nemet reiñ un alberz eus hentennoù ar ventawouriezh stlennegel, renket hervez o istor hag o natur.

I. HENTENNOÙ KENTAÑ :

1. Hentennoù diawelout , arveret pa glasker gouzout, a-raok ma'z eo stalet, penaos ez arwelo un urzhiataer :

a) Hentennoù dornel :

~ ar miksoù ;

~ ar c'hernelioù, goulevioù spesadel o klokaat ar miksoù ;

~ an abakennoù.

b) Hentennoù jedoniel :

~ an argizañ linennek ;

~ an delvanañ war ziazez ar rouedadoù lostennadoù.

c) Hentennoù goulevel :

~ an darvanañ treolel ;

~ an darvanañ arskarek.

2. Hentennoù muzuliañ , arloet ouzh un urzhiataer pe ur reizhiad stlennegel stalet endeo :

a) Hentennoù dornel :

~ ar spletadoù arnod ;

~ ar standilhonoù.

b) Hentennoù goulevek pe funiek :

~ ar roudennadoù jederezhel ;

~ ar gouarnerioù meziantel ;

~ ar gouarnerioù periantel.

II. HENTENNOÙ NEVESOC'H :

Ar reizhiadoù ardeiñ digonadur an urzhiataerioù.

III. HENTENNOÙ NEVESAÑ :

Ar reizhiadoù emgefreek ardeiñ an digonadur . Gant ar reizhiadoù ardeiñ an digonadur eus ar remzi kentañ, anemgefreek, e vez renet distag an tennadoù : euvriñ ar stlennadoù o tennañ d'an digonadur, o c'heweriañ, o c'hadaviñ e-barzh ur stlennvon, dasperzhiañ e kerzh ar reizhiad stlennegel. Gant an emdroadurioù diwezhañ, e teuer a-benn da fiziout tamm ha tamm en ijinenn ar gwezhiadurioù dornel hag e tostaer d'ur reizhiad sturiañ emgefreek ar reizhiadoù stlennegel.