Geriadur an armerzh, ar c'henwerzh hag an arc'hant

E div yezh : galleg, brezhoneg

Disoc’h ur c’henlabour eo, boulc’het e 1962 gant diazezerion an Deskadurezh eil derez (S.A.D.E.D.), kendalc’het gant aozerion ar gelaouenn Emsav, hag adsammet adalek 1980 gant an imbourc’herion bodet en-dro da Yann-Baol An Noalleg. Frouezh eo enta da strivoù daou remziad tud prederiet gant kedvuhez ha lavar o amzer, reoù anezho o kaout staeloù en obererezh armerzhel pe e kelennerezh an armerzhouriezh. Kavet vo, en 12 000 termen a ya d’ober ar geriadur, un danvez puilh da lavar ar pemdez. Ur gerva brezhonek a gloka al levr.