- Aozer : Guy ETIENNE
- Al levr : 2005 - 3, 192 p., 15,7x22 cm, ISBN 2-901 383-62-9
- Priz : 15,00 €
- Pellgargañ digoust
Barzhoniezh
« Ur sadorn da noz a viz Kerzu ma soñjen bezañ va unan oc’h ober va zro e-barzh iliz Lokronan, setu ma tiskoachas e-harz piler sant Roc’h un den en e goazez. Diflach da gentañ, e stouas e benn hag e roas din da c’houzout edo eñ, William Blake, ouzh va gedal. Diskouez a reas ur plas war ar skaoñ en tu kleiz dezhañ ha diouzhtu ez eas din (ne oufen lavarout hag e saozneg pe e brezhoneg e voe hon emziviz). »
« “Evel ma ‘c’h eus merket, e-pign e chomas va ‘Proverbs of Hell’. Un ael rok en doa kroget e kabiez va daimon ha hemañ gant ar braouac’h a seizas va brec’h. Dija an ael en doa e daolet d’an douar hag, o voustrañ va dorn, a’m redias da dresañ ar seikontvet linenn, a anavezez : ‘Enough !’ Annoazet, gant an droug a oa ennon ez ouzhpennis : ‘or Too much’, gerioù a reas d’ar bourev leuskel va dorn — an aeled, a ‘m boa merzhet c’hoazh, ne veizont ket ar gwenvrazh —, nemet e siellas va follennoù ken na leze mui va fluenn roud ebet warno. An ael-se eo, gant keneiled dezhañ e’m eus eñ gouezet, oa en e sav war an dibennerez tri bloaz goude pa ziskenne ar gontell war choug André Chénier. »
« Te a c’hortozen e goudor an iliz kreñv-mañ. Den krouis a skrivez ez out, ha gwir eo : bas ouzh bas an dour e’z puñs. E se, kent diraez an nor a glevez da ankoù ouzh he divorailhañ, e’m eus divizet skuilhañ ennout un dornadig eus ar c’hrennlavaroù na voen ket evit o lakaat war baper. »
Dastumad barzhonegoù savet gant Guy ÉTIENNE etre 1986 ha 2004 ha troidigezhioù diwar barzhed alaman, gall, saoz ha slovak : Johannes Robert BECHER, Gottfried BENN, Paul CELAN, Friedrich HÖLDERLIN, Rainer Maria RILKE, William BLAKE, Thomas Stearns ELIOT, Sylvia PLATH, Adrian MIATLEV, Armande LOUP, Laco NOVOMESKÝ
Taledenn gant Liu Nan
Barzhonegoù Guy Etienne displeget gant A. ar Berr
Lerc'hwezet gant Gurwal Coïc e studio de Boulogne.