Lavar 15

LAVAR 15 a c’hoarvez a bemont studienn o plediñ gant tachennoù ken diseurt hag ar verdeadurezh, an dareulerezh, an diougonerezh, al lennegezh, ar c’hoariva, al livouriezh, an istor, an darvoudoù kempred. Er renk kentañ avat emañ ar brederouriezh, ar c’hramadeg hag ar geginouriezh.

Tri fennad hir a ziskler savlec’hiadoù Hannah Arendt e-keñver an niñvañ, gwirioù mab den hag ar skiant voutin. Amkan notennoù all eo dezrannañ arlakadenn an nadiñ rummel gant Husserl, geneliezh ar me hervez Anna Freud ha Melanie Klein, meizadoù ar c’hantouezañ e preder Nishida ha Merleau-Ponty, an darempredoù etre jedoniourion ha prederourion a-zivout an anvevenn.

Pemp Notenn c’hramadegel a ra war-dro ar rakgerioù, ar c’hevarzhelloù, ar ger mell, an troadelloù verbel, ar plegadoù verbel hag anvel, an araogennoù graetanvet « displeget », an troiennoù idiomatek, h.a.

En niverenn-mañ e stager da studiañ alejerezh ar boued hag an hevlezouriezh. Gouestlet eo an teir Notenn Geginouriezh kentañ d'an traolioù, listri ha binvioù, ha da lies modoù ar poazhañ.

Digor eo bet adarre LAVAR d’an dasselladoù ha d’ar prederiadoù war gudennoù hon amzer : keñverioù Diwan gant « kefredourion organek » ar Republik, kemplezh Caliban Breizhiz ’zo, emell ar grouerion er gevredigezh keodedel, enepyuzevegezh an Eil Emsav...

En ur Gerva brezhonek-gallek(-alamanek-saoznek) ha gallek-brezhonek a ouzhpenn 100 pajenn emañ dastumet an termenoù prederouriezh, diskiblezhioù al lavar ha skiantoù an den arveret e LAVAR 10 ha LAVAR 15.

TAOLENN :

• Préface
• Abbréviations linguistiques
• Liste des personnes mentionnées
• KIS-739 – Notennoù gramadegel IV – Ar rakgerioù
• KIS-740 – Diwan ha kefredourion organek Frañs
• KIS-741 – Notennoù gramadegel V – Br. nemet
• KIS-742 – Gl. exposé
• KIS-743 – E sigur Gl. faire du lèche-vitrine
• KIS-744 – Gl. se trouver
• KIS-745 – Un nebeut arvezioù eus an anlouerañ
• KIS-746 – Kemplezh Caliban
• KIS-747 – An talbenn hag ar gevredigezh
• KIS-748 – Skeuliad Beaufort
• KIS-749 – Hannah Arendt ha keal an niñvañ
• KIS-750 – Gl. stratifié, Sz. laminated
• KIS-751 – Gl. contemplation
• KIS-752 – Troiennoù latin
• KIS-753 – Gl. mémento, sous couvert d'anonymat, plan de travail, (les) consommables, lavis
• KIS-754 – Notennoù Keginouriezh I – Gl. marmite, cocotte, faitout, pot-au-feu, autocuiseur, chaudron, h.a.
• KIS-755 – Gwirioù mab den hervez Hannah Arendt
• KIS-756 – Notennoù Keginouriezh II – Modoù poazhañ : Gl. braiser, cuire à l'étouffée, pocher, cuire en papillote, bouillir, h.a.
• KIS-757 – Br. un ha deveradoù.
• KIS-758 – Prederiadennoù ar gwianten
• KIS-759 – Ar skiant voutin e preder Hannah Arendt
• KIS-760 – Gl. luxe
• KIS-761 – Gl. enzyme
• KIS-762 – Gl. coursive
• KIS-763 – Notennoù gramadegel VI1 – An troadelloù verbel
• KIS-764 – Gl. effet pervers
• KIS-765 – Sz. still life, Al. Stilleben, Gl. nature morte
• KIS-766 – Arver Br. hed evel lostger
• KIS-767 – Notennou gramadegel VII – Skrivadur ar c'hedrannoù o teraouiñ dre -h-
• KIS-768 – Br. gwarañ / gwariañ, Gl. orage magnétique, éruption
• KIS-769 – Intentadusted an nevezc'herioù
• KIS-770 – Genadoù ar c'hoariva
• KIS-771 – Gl. satire, pamphlet, sarcasme, ironie, raillerie, humour, burlesque, plaisanterie, moquerie, bouffonnerie, gauloiserie, trait d'esprit
• KIS-772 – Notennoù gramadegel VII – Gl. flexion, déclinaison, conjugaison, prépositions combinées
• KIS-773 – Gl. aéronomie, rotation, translation, précession, nutation, écliptique, météorite, jet-stream, effet d'optique, parhélie
• KIS-774 – Et. (-)phil(-)
• KIS-775 – Notennoù gramadegel VIII – Furmoù hag arverioù ar gerioù mell.
• KIS-776 – Gl. chaumard, BrW. /tS´sal/, Gl. épitrope, chaleur latente, aveu, apologie, haine raciale, évasé
• KIS-777 – Notennoù a-zivout meizad an anvevenn savet evit ur studier war ar Brederouriezh
• KIS-778 – Notennoù Keginouriezh III – Modoù poazhañ en druz
• KIS-779 – Gl. vantard, vaniteux, prétentieux, présomptueux, suffisant, orgueilleux, fier…
• KIS-780 – Enepyuzevegezh an Eil Emsav
• KIS-781 – Dezneuziadur Et. ex-, Ar. isla#m, Gl. quatrain, quartolet
• KIS-782 – En dro d'ar gread barzhel
• KIS-783 – Gl. pénitentiaire, réclusion, garde à vue, assignation à résidence
• KIS-784 – An troiennoù idiomatek
• KIS-785 – Gl. effet de couloir
• KIS-786 – Gl. descriptif, thesaurus, Et. auto-, Gl. mimique, dysphonétique & dyséidétique & all, mystique, médiocre — Distagadur ar brezhoneg, Gl. géothermie, dérive des continents
• KIS-787 – Ar strafuilhoù anaoudel en deskiñ — Strafuilhoù al lavar skrivet
• KIS-788 – Sevenadur ha politikerezh